Tuluyan nang itinigil ng Russian energy giant Gazprom ang gas export nito sa Poland at Bulgaria dahil sa pagtutol nito ng pagbabayad ng supplies gamit ang roubles .
Nanindigan ang kompanya na magbabalik lang ang serbisyo nila oras na mabayaran sila gamit ang Russian currency.
Una nang inihayag ni Russian President Vladimir Putin sa mga tinukoy niyang “unfriendly” countries na dapat magbayad ang mga ito ng gas gamit ang kanilang pera.
Nanindigan ang Russia sa kanilang unang pahayag na hindi sila papasok sa anumang transaksyon kung hindi sila babayaran gamit ang roubles.
Kinumpirma naman ng Poland na natigil na ang supply ng gas sa kanilang bansa habang wala pang pahayag ang Bulgaria.
