Sa presente, nagapanawagan ro pamunuan it Iloilo City sa mga residente it andang lugar nga indi magdaywang isip nga magpa-idaeom sa RT-PCR test kung may mga nabatyagan nga sintomas it COVID-19 o influenza-like symptoms.
Raya hay kasunod sa padayon nga pagtaas it COVID-19 infection sa lugar.
Base pa sa anda, libre ro RT-PCR test para sa mga close contacts it COVID-19, returning overseas Filipinos, ag returning residents nga may referral it doktor.
Magabayad man it P2,500 ro mga indibidwal nga nagpa-idaeom sa nasambitan nga test nga pagagamiton para sa travel o employment purpose.
Matatandaan nga una nga ginhinyo it Iloilo City Council nga igapanaba sa P1,800 ro rate it RT-PCR testing./JIL B. LACSON
