Matandaan nga sa mga nagtaliwan nga mga inadlaw, nagapanguna ro probinsiya it Iloilo sa may pinakamaabo nga COVID-19 infection sa Western Visayas.
Kasunod sa datos nga ginpaguwa it Department of Health 6, nagta-o it suhestiyon ro Iloilo City COVID-19 team nga igapabilin ro mga COVID-19 restrictions nga ginapatuman sa probinsiya agud malikawan ro padayon nga pagtaas it mga kaso it impeksyon sa lugar.
Ginbaton man ro nasambitan nga suhestiyon it pamunuan it Iloilo ag magapabilin ro mga restrictions sa siyudad kasunod sa ginpalwig nga Modified Enhanced Community Quarantine (MECQ) status hasta sa katapusan it Setyembre.
Base pa sa anda, pagasugtan eamang ro mga essential travels paguwa ag pasueod sa siyudad.
Nagapanawagan man sanda sa mga residente halin sa may manaba nga quarantine classification nga likawan anay ro pag-adto sa siyudad agud indi matapnan it nasambitan nga virus./JIL B. LACSON
