KALIBO,AKLAN—Kasong robbery ru gin pasaka nga kaso kontra sa suspek nga nag panakaw it mga kagamitan ag kwarta sa LBC Express Roxas Ave. Branch sa Kalibo, Aklan.
Sa report, nakilaea ru suspek nga si Ephraim Bandejas Estiquita, 45 anyos, mangunguma ag residente it Brgy. Poblacion, Altavas, Aklan.
Kun matandaan, nakita sa CCTV footage nga sumakay sa tricycle ru suspek ag nag pahatud sa sangka hotel matapos maka panakaw sa nasambit nga establisimento commercial.
Gusto na nga mag check-in daea ru cellphone, laptop ag cash nga naga balor it mas o minus P3,000 samtang mainit pa ru monitoring it mga kapulisan.
Panindugan it suspek, nahimo na magpanakaw bangud may anang utang nga naga balor it P20,000 sa sangka lending company nga gusto ng mabayaran.
Kulong sa makaron sa Kalibo MPS ru suspek.//MARIVIC Y. ILIN