Ginkumpirma it Department of Agriculture (DA) nga nagnaba ro rice production sa bieog nga Western Visayas.
Base sa taetapan, ro mataas nga balor it farm inputs hay mabahoe nga rason sa kakayahan it rehiyon sa pag-produce it bugas.
Sa presente, triple eun ro presyo it fertilizer halin P900 kada sako, haeos P3,000 eun ro presyo sa presente nga tiempo.
Dumoble man ro presyo it mga feeds para sa mga baka ag iban pa nga mga farm animals.
Mabahoe nga epekto man ro 5.4% inflation rate kung siin nagtaas ro presyo it bugas, karne, gulay, ag pagkaong-dagat .
Matandaan nga ro kabieogan nga produksiyon it paeay it Rehiyon 6 sa una nga quarter it 2022 hay 646,288.48 MT, 1.99%; mas manaba kumpara sa pareho nga tiempo ku 2021./JIL B. LACSON
