Inaresto ng mga awtoridad ang aktor na si Ricardo Cepeda sa Caloocan City dahil sa kasong syndicated estafa.
Inihain ng pulisya ang warrant of arrest laban kay Cepeda para sa kasong syndicated estafa sa ilalim ng Article 314 ng Revised Penal Code in relation to Presidential Decree 1689.
Nag-ugat ang pagkaka aresto sa bisa ng warrant of arrest na inisyu ni Executive Judge Gemma Bucayu-Madrid ng Sanchez Mira, Cagayan Regional Trial Court (RTC).
Mula sa headquarters ng Quezon City Police District (QCPD), dinala ang aktor sa Camp Karingal para sa wastong dokumentasyon.