LEGAZPI CITY – Uminabot sa PHP1B an revenue port collection na nakua kan Bureau of Customs (BOC) hale sa mga pier sa rehiyon kan Bicol.
Ini an kinumpirmar kan BOC Legazpi District Collection Office kun sain ini an pinakaprimerong pagkakataon na uminabot siring na kantidad an nakolektang revenue port collection.
Dakulang tabang subuot ini sa mga local government unit (LGUs) huli ta posibleng maglangkaw an IRA share huli sa Mandanas Garcia ruling.
Posible man ining magdara ki mas dakol na mga oportunidad sa mga Bikolano, partikular na sa pagnenegosyo, asin sa mga trabaho.
