Ibinasura ng Quezon City Prosecutor’s ang reklamong grave threats ni ACT Teacher Party-list Rep. France Castro laban kay dating Pangulong Rodrigo Duterte.
Sa inilabas na resolusyon, sinabi ng piskalya na walang sapat na ebidensya para idiin si Duterte.
Hindi umano dinirekta ni Duterte kay Castro ang mga sinasabing pagbabanta.
Sa halip ay nabanggit lamang ng dating Pangulo sa pagitan ng kanyang mga biro at pakikipag-usap sa mga host ng SMNI.
Sinabi pa ng Piskal hindi naman magagawa ni Duterte na ma-edad na at wala ng immunity sa batas ang gumawa pa ng death threat sa ibang tao.
