KALIBO, AKLAN — Nagapadayun gihapon ro registration makarun para sa National ID suno kay Engr. Antonet Catubuan, Chief Statistical Specialist (PSA Aklan) kat ma-interview raya it Brigada News FM Kalibo Team.
Ku Enero 17, nag recruit ag nag training ro PSA it 18 personnel para magpatigayun it registration sa Aklan.
Ro sambilog nga registration center hay makit-an sa may Osmeña Avenue ag ro covered kara hay ro mga taga Banga, Balete, Altavas, Batan, Libacao ag Madalag.
Ro sambilog pang registration center hay sa Nabas sa andang library sa Municipal Hall ag covered kara hay ro mga banwa it Nabas, Ibajay, Buruanga ag Malay.
Samtang ro sangka registration center hay sa Munisipyo it Banga ag covered kara ro Libacao.
Ginpahayag ni Engr. Catubuan nga ro tatlong team hay owa nana ginapapundo sa sangka registration center para maabot ro andang quota nga 14,500 ag 11,500 nga quota nga indi eon nanda ma-cater bangud sangkiri eon lang ro registrants.
As of February 12, ro nakabatun pa eang segun it andang National ID hay kapin sa 9,212 sa kabilugan nga 56,345 registrants.
Bisan maeayo segun ro pilang mga lugar sa Aklan, mismong PSA eon ro naga paeapit sa tawo bangud gusto it gobyerno nga mapa-rehistro ro kapin sa 70 milyon nga mga Pilipino. / ANN DESLENE SALAZAR
