LEGAZPI CITY – Huli sa naglalangkaw maternal mortalities sa Bicol Region, nagkondusir an Department of Health (DOH) Bicol nin duwang aldaw na Regional Maternal Death Review sa siyudad kan Legazpi nganing matawanan ini nin solusyon.
Magigirumduman kaya, kan taon 2021, nairehistro sa Sorsogon an 136 na kaso nin maternal deaths asin 21 kaso nin neonatal deaths na halangkaw kumpara kan nakaaging taon.
An nasambit na programa, pinagpartisiparan kan OB-Gyne consultants siring man kan Safe Motherhood Program Coordinators gikan sa manlaen-laen na mga rehiyon kun sain nagkaigwa nin planning session asin pagtatao nin suhestyon manungod sa interbensyon asin program nganing mabawasam an mortality rate sa mga nagbabados.
