MITAAS pa sa 71,474 COVID-19 confirmed cases sa region-12 as of July 28 tungod sa dugang 43 ka bag-ong kaso subay sa update sa DOH-12.
Sa bag-ong nagpositibo, ang Sarangani Province nakatala og 23 ka bag-ong kaso sa maong virus, South Cotabato-11, GenSan-5, North Cotabato-3 ug Sultan Kudarat-1.
Samtang anaay dugang 26 ka bag-ong nakarekober hinungdan mitala na sa 68,568 kun 95.93% ang total recoveries sa maong sakit sa rehiyon.
Sa bag-ong nakarekober, ang GenSan adunay 11, North Cotabato-8, South Cotabato-5 ug Sarangani Province-2.
Samtang usa ang nadugang sa listahan sa nakabsan sa kinabuhi sa maong virus hinungdan anaa na sa 2,645 kun 3.70% ang COVID-19 related deaths.
Kasamtangan mokabat sa 227 kun 0.32% ang active cases sa COVID-19 sa region-12 asa ang GenSan adunay 73, South Cotabato-62, Sarangani Province-41, North Cotabato-38 ug Sultan Kudarat-13.
