Umapela si Senador Ralph Recto kay President-elect Ferdinand “Bongbong” Marcos Jr. na palayain si Senador Leila de Lima na nakakulong dahil sa umano’y pagkakasangkot nito sa illegal drug trade sa New Bilibid Prison (NBP).
Si Recto, na nanalo bilang kinatawan ng ika-6 na distrito ng Batangas, ay naglabas ng panawagan kasabay ng kanyang valedictory address sa huling araw ng sesyon ng 18th Congress.
Tinawag ng outgoing senator si Delima bilang ;prisoner of conscience’ at pinarusahan dahil sa kanyang katapangan.
Isinisi naman ni Recto sa umanoy mga trolls kaya nakulong ang senadora.
“Another feisty lady worthy of our respect is Leila de Lima, a prisoner of conscience, punished for her courage, but whose spirit no prison walls could contain. Trolls put her behind bars. The truth shall set her free,” saad ni Recto .
“Mr. President-elect, free Leila,” dagdag pa nito.
