Magdedeploy ng karagdagang QCity Bus ang pamahalaang lungsod ng Quezon, ngayong araw.
Ito’y para maalalalayan ang mga pasahero kasunod ng tatlong araw na tigil-pasada ng grupong PISTON.
Ayon sa Quezon City Public Information Office (PIO), bumiyahe na kaninang alas-singko ng madaling araw ang naturang mga bus hanggang alas-nuwebe ng gabi depende sa ruta.
Batay sa abiso ng lungsod, babaybayin ng bus ang Cubao, Litex, IBP Road, Gilmore, C5 Ortigas Avenue Extension, at Muñoz.
Bukod dito, may biyaheng balikan sa Welcome, Rotonda papuntang Aurora Boulevard.
Binigyang-linaw ng lokal na pamahalaan na walang suspensiyon ng klase at sakaling mahirapan ang mga estudyante sila’y excused pero sasabak sa asynchronous classes.
