Patuloy pa rin ang monitoring ng Quezon City – Epidemiology and Survellance Unit (CESU) sa mga naging contacts ng ikasampung mpox case na nagawi sa kanilang Lungsod.
Sa panayam ng Brigada NewsFM Manila kay QC CESU chief Dr. Rolly Cruz, sinabi nitong 28 ngayon ang naka-quarantine, habang ang iba naman ay naka self-monitoring lang.
Mula sa mga close contacts, pito lang ang mga taga-Quezon City, kaya naman ang natitira’y ililipat na sa kanya-kanyang LGUs para sa monitoring.
Sa ngayon, wala pa naman daw nagpapamalas ng mga sintomas ng mpox sa mga pinaka-close contacts ng pasiyente.
Muli namang nabanggit ni Cruz na pahirapan pa rin ang contact tracing lalo na’t mali-mali raw at kulang-kulang ang impormasyon na ibinigay sa kanila.
