ILOILO CITY — Patay ro sangka pulis matapos aksidenteng mabaril ro anang kaugalingon sa sueod it andang baeay sa Cuartero, Jaro, Iloilo City kaina it kaaganhon.
Nag angkon it nina sa anang ueo si Police Senior Master Sergeant Stephen Aguilar ag ku ulihe hay namatay samtang ginabueong sa Iloilo Mission Hospital.
Si Aguilar hay na-assign sa Iloilo Police Provincial Office (IPPO) bilang imbestigador it Human Rights section.
Base sa police blotter, natabo ro insidente kaina it alas 5:30 it kaaganhun kat pukawon imaw ku anang asawa agud magreport sa anang trabaho.
Ginbuoe segun it nasambit nga pulis ro anang baril sa idaeum it anang mahaea ag aksidente rayang eumupok nga umigo sa anang ueo. / ANN DESLENE SALAZAR
