Paga imbistigahan it PNP Internal Affairs Service (PIAS) ru pagbaril patay sa sangka may deperensya sa kaisipan sa Brgy. Camanci, Batan, Aklan.
Sa report, nakilaea ru pulis nga si PCPL. Ronnie Toriga samtang ru biktima hay nakilaeang si Alyas “Jun” sa legal nga edad.
Nag-angkon it tama’t pagbaril sa siki, abaga ag parte it kaeawsan ru biktima matapos nga sumukoe sa mga rumesponding pulis.
Na recover sa crime scene ru empty shell it 9mm nga baril ag martilyo sa lugar.
Kun matandaan, nag huromentado ru may deperensya sa kaisipan rason nga nagpabulig si Brgy. Capt. Gener Malones sa mga otoridad.
Sa pagresponde it mga kapulisan, nahimo pa nga mag warning shot apang padayon ru pag sukoe rason nga binaril ru biktima sa ital-ital nga sitwasyon.//MARIVIC Y. ILIN
