Gipusil – patay sa pulis ang kaugalingong asawa human nag-away sulod sa girentahang boarding house diha sa Nueva Steet, Brgy. Taft, Surigao City pasado alas – 9:00 sa nakalabay’ng gabii.
Sumala ni Police Lieutenant Colonel Glenn Sampaga, ang hepe sa Surigao City Police Station, ang biktimang asawa mao si Marifel Rebueram, 33 anyos samtang ang responsable mao si Police Master Sergeant Jesriel Rebuera, 37 anyos, kasamtangang nadestino sa nasangpit nga presento.
Nigawas sa imbestigasyon, sukad pa sa nakalabay’ng mga adlaw, nadungog matod pa sa mga silingan nga nagpunay lang og away hangtod nahitabo ang kremin.
Ang panghitabo ang nasaksihan matod pa sa anak sa magtiayon diin human matod pa gipusil sa suspetsado ang asawa, nagtubok gilayon kini pinaagi sa pagpusil sa kaugalingon ug namatay.
Sa nahitabo, tulo ka menor de edad nga mga anak ang sayong nabiyaan og ginikanan.
