Arestado ang isang aktibong pulis matapos makumpiskahan ng iligal na droga sa ikinasang anti-illegal drug operation sa Barangay Del Pilar sa San Fernando City, Pampanga kahapon.
Sa ulat ng Police Regional Office 3, kinilala ang suspek na si Police Senior Master Sergeant Memito Luyon na naka-assign sa San Fernado Police Station.
Nakumpiska sa kanya ng mga awtoridad humigit-kumulang 50 gramo ng hinihinalang shabu at may street value na Php 340,000.00.
Kasalukuyang nasa kustodiya ng San Fernando Police Station ang suspek na pulis habang inihahanda ang kasong paglabag sa RA 9165 laban sa kanya.
