Igapatigayun ro “Puka Shell Festival” sa isla it Boracay sa February 9 to 11, 2024.
Ro Brgy. Yapak hay kilaea nga may kakaibang sandy texture ag bugana nga Puka shells.
Nasayuran nga mabahoe ro papel nga ginagampanan it mga puka shells sa pagpabilin it ekonomiya it mga Yapaknon, nga nagaserbi nga pangitan-an ag nagabulig sa andang pagpangabuhi.
Ginapatihan nga ro sibilisasyon it Boracay hay natumod pabalik sa Barangay Yapak kung siin nag umpisa ro tradisyon it pagkolekta it mga Puka shells para sa barter trade, nga kilaea bilang “tyempo sihi”, ku 1970s.
Ro praktis ngara hay ginapatihan nga nagtuga it kasikatan sa komunidad it Yapak ag mga kaiping nga banwa, nga nagresulta para dumagsa ro mga tawo sa Barangay Yapak para sa koleksyon it Puka shell bilang sangka paagi it pangabuhian.
Ginaimbitahan man ro tanan sa nasambit nga selebrasyon bilang pasidungog sa patron it Our Lady of Lourdes. // ANN DESLENE SALAZAR
