Nag abot eon sa P100,000 ro igatao nga pabuya sa sin-uman nga makaturo sa mga suspek nga nagbuno-patay sa ginang nga tag ana it sari-sari store iya sa banwa it Kalibo.
Nasayuran nga sang buean eon halin kat pinatay ro biktimang si Marissa Flores nga nakita eon lang nga patay sa guwa it anang baraka ku January 7, 2024.
Ro biktima hay nag angkon it maabung pagbuno sa eawas rasun it pagkamatay kara.
Matandaan nga nauna eon nga nagpaguwa it P25k, nga pabuya ni Kalibo Mayor Juris Bautista Sucro sa makaturo sa mga suspek, pero makarun hay gindoble nana raya, ngani bale P50,000 eon ro igatao nga pabuya it alkalde.
Nagtao man it bulig nga P50,000 si Senator Raffy Tulfo bilang reward para matumod ro mga responsable sa kremin.
Sa makarun hay padayun gihapon ro imbestigasyun it mga otoridad sa insidente ag pagtumod sa mga suspek. // ANN DESLENE SALAZAR
