Publiko, ginpaandaman sa uman nga pag strike it budol-budol sa Kalibo

Haeos owa gid segun kay Police Major Willian Aguirre deputy chief it Kalibo Municipal Police Station it kinaiba ro diskarte it mga budol-budol gang, pero may nabibiktima gihapon bangud posibleng owa kasayud, kapin hay kaeabanan sa mga biktima hay senior citizen eon.

Parehu segun ku insidente ku Sabado kung siin sangka 79yo ro nabiktima sa may 19 Martyr’s St., Kalibo nga ginpaeapitan it mga suspek ag nagpakilaea nga classmate it unga it biktima ag may ginatao pa segun nga sapatos.

Matapos ro manami nga istorya it mga suspek sa biktima, nabuoe ku mga raya sa biktima ro anang P10,500 cash ag mga alahas.

Suno kay Major Aguirre, indi basta makipag istorya sa bukon it kilaea kapin kung kwarta ro ginaistoryahan ag sa mga senior hay indi magpanaw nga solohanon. // ANN DESLENE SALAZAR

Leave a Reply

Your email address will not be published. Required fields are marked *