May kakulangan sa pampubliko nga transportasyon para ma-accommodate ro naga-abo nga turista sa isla it Boracay.
Base sa Sanguniang Bayan it Malay, may kakulangan sa mga electric tricycle o e-trikes ro isla sa ruta it Cagban ag Tambisaan ports paadto sa Balabag ag Yapak, ag vice versa.
May mga reklamo man sanda nga nabaton angot sa rentals, franchise, transport fare, ag e-trike boundary.
Dugang pa dikara, maabo segun nga mga lokal nga residente ro nagreport nga nagapili segun it mga pasahero ro mga e-trike drivers.
Bangud dikara, ginpaandaman it SB ro mga transport cooperative, drivers ag operators it mga e-trikes sa mas mahugot nga multa sa pagbalibad o pagpili it mga pasahero.
Ro mga e-trike companies hay kinahanghean man nga magbutang it daywang charging station sa barangay Manocmanoc ag Balabag o Yapak./JIL B. LACSON
