Nag paliwanag ru Philippine Statistics Authority (PSA)-Aklan sa BRIGADA News FM Kalibo angot sa live birth registration project nga gina tao it gobyerno.
Suno kay Engr. Antonet B. Catubuan, Chief Statistical Specialist it PSA-Aklan sa BRIGADA News FM Kalibo, naga-abot sa 10,000 slots ru gin tao sa probinsya’t Aklan para sa mga indigenous individual, indi maka sarang mag bayad sa pag pa rehistro sa bawat municipyo.
Mag-adto eamang sigun sa Local Civil Registry Office kun siin naga-estar ag mag pangutana kun ano ru mga proseso, requirements nga mga dokumento nga maga suporta sa birth certificate.
Raya hay libre pwera eamang ru sidula nga gina gamit sa pag proseso.
Pweding mag-apply sa nasambit nga project kun ikaw hay gin unga sa ibang banwa ag naga trabaho sa probinsya’t Aklan pina-agi sa out of town the late registration of birth nga pweding ma avail sa live birth registration project.
Gin klaro it PSA-Aklan nga gina taw-an eamang it SECPA copy it birth certificate pina-agi sa Local Civil Registrar ru uwa pa gid naka pa reshistro.
Katuyu-an kara nga ru tanan nga individual hay maka angkon it birth certificate.//MARIVIC Y. ILIN
