LEGAZPI CITY – Dawa na limitado na an suplay kan mga bakuna kontra rabies sa probinsya kan Albay, padagos an pag-inguwa kan Provincial Veterinary Office na mabakunahan an mga hayop.
Segun kay Animal Health & Regulatory Division head Dr. Manny Victorino, maski man mahigot an saindang pag-ingowa para sa mass animal vaccination, an saindang budget dai man pwedesir na solamenteng ialokar sa mga bakunang ini ta an iba digdi mas mahal pa sa iba pang probisyon.
Pigklaro man ni Victorino na bako na bastante an stock kan probinsya para sa bakunang kontra sa rabies.
Sinabi kaini na an PHP12M hasta PHP13M, kulang pa para sa bakuna pa sana, orog na kun an bilog na probinsya an pag-oorolayan.
Segun pa saiya, dati nang na nagbabakal an probinsya nin bakuna taon-taon.
Maski subuot kwentahon, dakulaon na pondo an kakaipuhanon para sa vaccines, asin dati may mga partner agencies ini siring kan Global Alliance for Rabies Control, Australian Aide Anti-rabies Project, asin World Organization for Animal Health.
