Pinagbabaril ng mga hindi pa nakikilalang salarin ang Provincial Legal Officer ng Pampanga na si Atty Gerome Tubig kaninang umaga sa City of San Fernando.
Nangyari ang insidente sa isang parking lot sa harap ng VL Makabali Memorial Hospital pasado alas syete kaninang umaga.
Sakay si Tubig ng kanyang sasakyan nang bigla umano itong lapitan ng suspek at pinagbabaril.
Naitakbo naman agad sa pagamutan ang biktima at ngayon ay masusing inoobserbahan ng mga doctor.
Patuloy naman ang pulisya sa kanilang imbestigasyon.
