CAPIZ – Nag abot eon sa Capiz ro Ultra-Low Temperature Freezer nga pagagamiton para sa storage it Pfizer-BioNTech COVID-19 vaccine.
Base sa DOH Provincial Office – Capiz, daywa ka freezer ro nag abot sa probinsya ku May 19, 2021.
Raya nga pagklaro hay may kaangtanan sa naging pahayag it designated spokesperson it DOH 6 nga si Dr. Marie Jocelyn Te nga kabahin ro probinsya it Capiz, Guimaras ag probinsya it Iloilo sa mga owa pa it freezer nga pagasudlan it nasambit nga bakuna.
Sa makarun, ginahueat eon lang it DOH Region 6 ro pag-abot it Pfizer-BioNTech COVID-19 vaccine sa rehiyon. / ANN DESLENE SALAZAR
