Gipaalerto karon sa pamunuan sa Police Regional Office (PRO) XI ang pwersa sa posibleng pagpangatake sa Communit Terrorist Group nga New Peoples Army (NPA) human ilang giatake ang Lanuza Police Statation sa Surigao del Sur sa niaging Hunyo 24, 2021.
Derektiba ni PBGen Filmore Escobal, Regional Director sa PRO-XI sa tanang police station sa rehiyon nga pahugtan ang seguridad sa posibleng kalit nga pagpangatake sa mga rebelde.
Dugang sa opisyal nga dili angay magkumpiyansa ang pwersa sa rehiyon tungod taktika sa mga NPA ang pinakalit nga pag-atake sama sa gihimo didto sa silingang probinsya kung asa niluntad sa halos traynta minutos sa pagbinayluay og mga bala tali sa gibana-banaang 15 ka mga rebelde.
Tambag sa opisyal sa tanang sakop nga kanunay ipatuman ang pagdoble alerto aron dili maunhan sa mga rebelde.
Nasayrang ayha gisulong sa mga rebelde ang Lanuza PNP usa ka construction site 300 metros gikan sa stasyon sa pulis ang gisunog nga midamyos sa mga heavy equipment, gikamatay sa usa ka sibilyan og gikaangol sa laing usa pa.
Sa pikas bahin hugot usab gikondena sa Eastern Mindanao Command ang gihimong pag-atake sa mga NPA sa tropa sa gobyerno ug gihimong pagpanunog.
Matud pa kang EastMinCon LtGen. Greg Almerol, ang gihimo sa mga rebelde tataw nga paglapas sa mga probisyon ubos International Humanitarian law ug RA 9851 Philippine Act on Crimes Against international Humanitarian Law, Genocide, and other Crime Against Humanity.
