Igapaidaeum sa Handgun Marksmanship Training ro tanan nga Police Personnel it Police Regional Office (PRO-6).
Base kay Police Lieutenant Colonel Arnel Solis, C, PIO/PRO-6 Spokesperson, pwede eon nga mag umpisa ro mga Police Provincial ag City Offices nga may mga firing range samtang ro mga owa hay posibleng gamiton ro Police Regional Office 6 firing range.
Tinutuyo it nasambit nga training nga maging mayad ro pagbuyot it kapulisan it rehiyon sa mga short firearms ag mataw-an sanda it training sa paggamit it andang mga issued firearms sa pagpamayad it serbisyo it pulisya.
Dapat man segun ro sangka pulis hay makapasar sa training sa pagbuyot it baril.
Ro mga indi makapasar sa training hay maga uman hasta sa raya hay makapasar.
Handum it PNP nga mapamayad ag mas maging epektibo ro pagpatuman it sinumpaang responsibilidad nga pagprotekta sa mga pumueuyo. / ANN DESLENE SALAZAR
