Ginaasahan nga may matabo nga reshuffling sa mga kapulisan sa Western Visayas bilang resulta it pagbag-o sa administrasyon.
Sa pahayag it Police Regional Office 6 (PRO-6), gina-asahan eun nanda ro pagbag-o bangud sa mga nagapungko nga elected officials nga maga-request it bag-ong police chiefs.
Sa makara, tatlong opisyal pa eamang ro nakataeana nga ire-assign bago magapos ro buean.
Ro hepe it San Enrique, Iloilo police station nga si Major Robert Jason Pancha hay italaga sa Iloilo Police Provincial Office (IPPO).
Samtang ro hepe it Regional Drug Enforcement Unit (RDEU-6) it PRO-6 nga si Police Lieutenant Colonel Mark Anthony Darroca, hay ire-asign sa Silay police station kung siin baylohan nana si Police Lieutenant Colonel Robert Petate.
Magabaylo kay Darroca sa RDEU-6 hay si Lieutenant Colonel Antonio Benitiz Jr. halin sa Regional Intelligence Division it PRO-6./JIL B. LACSON
