Ginpasiguro ni Police Brigadier General Leo Francisco, Police Regional Office (PRO-6) director, nga mataw-an it proteksyon ro mga media practitioners sa Western Visayas.
Raya hay matapos ro brutal nga pagpatay sa veteran radio broadcaster nga si Percival “Percy Lapid” Mabasa nga kilaea sa anang hard-hitting criticism sa mga opisyal sa gobyerno.
Ginpahayag ni Francisco nga ginmanduan eon nana ro mga kapulisan nga agtunan ro mga media ag kutan-on kung may mga threat nga nababatun ro mga raya agud mataw-an nanda it nagakadapat nga security package ag indi matabo ro kaparehu sa napatay nga si “Percy Lapid”.
Ginkondena man ni Francisco ro pagpatay sa broadcaster nga ginbaril it daywang owa pa nakilaea nga mga suspek sa gate it sangka subdivision sa may Aria St. sa Barangay Talon Dos, Las Piñas City ku Oktubre 3 it gabii. / ANN DESLENE SALAZAR
