Walang plano ang Commission on Elections na mag-imprinta ng mga bagong balota, sa kabila ng pagkakadiskwalipika ng ilang mga kandidato, matapos ag scheduled printing.
Kaugnay nito, nilinaw rin ni Comelec director Elaiza David na mananatili rin ang pangalan ni dating senator Ferdinand “Bongbong” Marcos sa official ballot face, anuman ang maging desisyon laban sa kanyang disqualification cases.
Dagdag ni David, wala ring instructions kung kinakailangan na mag-reprint ng mga balota na isasama ang mga pangalan ng mga ideneklarang nuisance candidates, sa kabila na nakakuha na sila ng temporary restraining order mula sa Supreme Court.
Mababatid na kasama sa official ballot face ang 10 presidential candidates, siyam na vice presidential candidates, at 64 na senatorial bets. //MHEL PACIA-TRINIDAD
