CAMARINES NORTE- Nagpatawag na kahapon ng Special MDRRMC Meeting si Mayor Ariel M. Non sa posibleng direktang epekto ng Bagyong Paeng sa Bayan ng Jose Panganiban,
Sa isinagawang pagpupulong kahapon, tinalakay ang lahat ng mga preventive measures kung saan ang lahat ng BDRRMO sa naturang bayan ay inatasan ng tanggapan ng Alkalde na maging alerto upang maiwasan ang mga pinsala na maaaring idulot ng Bagyong Paeng sa Jose Panganiban.
Nagbigay rin ng update sa lakas at posibleng tahaking landas ng Bagyong Paeng si Engr. Gerald Junio, ang MDRRMO Head
Ang nasabing pulong ay dinaluhan ng mga miyembro ng Sangguniang Bayan, mga Punong Barangay, iba’t-ibang tanggapan ng pamahalaan at mga volunteers.
Umaga pa lang nitong Huwebes ay nagdeklara na ang alkalde ng “No sailing Policy” sa mga karagatang sakop ng Jose Panganiban kung saan mahigpit nitong ipinagbawal ang paglalayag ng anumang uri ng sasakyang pandagat sa kanilang bayan.
Pinayuhan naman ng alkalde ang kanilang mga residente na manatiling Updated at tumutok sa mga abisong ipinalalabas ng kanilang tanggapan
Ang bayan ng Jose Panganiban ay isa sa mga potential at risk sa lalawigan tuwing magkakaroon ng bagyo at kalamidad dahil sa ang naturang bayan ay napapalibutan ng karagatan
photo: PIO- Jose Panganiban
