Posibleng sa dulo pa ng taon magsisimulang bumaba ang presyo ng bigas sa merkado.
Ayon kay Samahang Industriya ng Magsasaka Chairman Rosendo So, posibleng sa buwan pa ng Nobyembre o Disyembre magsisimulang maramdaman ang pagbaba ng presyo ng bigas sa bansa.
Samantala sisimulan naman ngayong araw ang pagbebenta ng non-government organization na Philippine Rice Industry Stakeholders Movement ng murang presyo ng bigas kung saan pumapalo ito sa P38 kada kilo.
Ani Grains Retailers’ Confederation of the Philippines Inc. spokesperson Orlando Manuntag, nakadepende ang presyo ng bigas sa demand at supply, at kung magkano ang presyuhan ng palay sa bawat probinsiya sa tuwing panahon ng anihan.
