Ginpaabot makara it Bakers Association ro plano nga pagpapataas it presyo it regular nga pandesal bangud sa pagmahae it presyo it mga raw materials para sa paghimo it tinapay.
Base sa anda ro dati nga tag-P2.00 nga pandesal, himuon nanda raya nga P3.00 hasta P4.00.
Base pa sa grupo, inkaso nga indi mapatuman ro pagtaas it presyo, maabong mga panaderya ro mapilitan nga magsirado bangud sa pagkalugi.
Matandaan nga bangud sa mataas nga inflation rate sa bieog nga nasyun, tumaas man ro presyo it sako it asin, asukal, yeast, ag mantika nga ginagamit sa paghimo it tinapay.
Samtang sa probinsiya it Aklan, umaaray man ro mga lokal nga panadero bangud sa padayon nga pagtaas it presyo it mga nagapanguna nga baeaklon rason nga mabahoe man ro posibilidad nga maghimo sanda it adjustment sa presyo it tinapay./JIL B. LACSON
