Tiniyak ni President-elect Bongbong Marcos na magiging payak lamang ang gagawin nitong panunumpa sa Huwebes.
Sa kanyang latest na BBM Vlog, sinabi ni Marcos na magiging tradisyunal pa rin ang idaraos na inagurasyon nito sa National Museum.
Ito aniya ay magiging mataimtim at simple.
Sinariwa din nito kung papaano siyang naghihintay noon sa naturang pasilidad na kung tawagin pa noon ay Old Legislative Building para sa kanyang ama na si dating pangulong Ferdinand Marcos Sr.
#
