Gindayaw ni President Ferdinand “Bongbong” Marcos Jr., si Governor Fredenil Castro kadungan sang iya pagbisita sa Capiz sang damlag lang.
Suno kay Pres. Marcos, ginakahidlawan niya ang pamulong-pulong ni Governor Castro bangud makahatag gid ini sang inspirasyon sa mga tagpalamati.
Matandaan nga personal nga nagpadulong sa Capiz si Marcos kag nagpanguna sa pagpanagtag sang bugas sa isa ka libo nga mga benepisyaryo sang 4Ps kun sa diin, 679 diri ang apektado sang red tide.
Nagbaton sang tag-isa ka sako nga 25 kilos nga bugas ang kada mga benepisyaryo.
Magluwas sa bugas ginpangunahan man ni PBBM ang pagpanagtag sang mga ayuda sa mga nagkalain-lain nga asosasyon sa probinsya sang Capiz nga nagikan naman sa
Department of Agriculture; Philippine Crop Insurance Corporation; DA-Agricultural Training Institute; Financial Assistance sa ATI-Accredited Learning Site for Agriculture,
Philippine Coconut Authority; DSWD; DOLE; DOH; TESDA; CHED.
Nangin kabahin man sang nasambit nga pagtililipon sanday DSWD Secretary Rex Gatchalian, anay DILG Secretary kag senador Mar Roxas, 1st District Congressman Emmanuel Billones, 2nd District Congresswoman Jane Castro, Provincial Board Members, mga Alkalde sang kabanwahanan sa Capiz kag syudad sang Roxas, Sangguniang Bayan Members sang nagkalain-lain nga kabanwahanan, mga Barangay Kapitanes, kag mga benepisyaryo sang nasambit nga programa. | Judy Ann Juare