Magatukod ro Philippine Ports Authority (PPA) it modernong cruise ship port sa Brgy. Alegria, Buruanga, Aklan para makabatun it mas maabung biyahero nga sakay it cruise ship.
Ro construction port terminal hay may aprubadong PPA corporate budget nga nagabalor it P749,578,209.32 kung siin, kinhangean nga matapos it contractor ro multi-million cruise terminal project sa sueod it 900 calendar days.
Igapatigayun man ro pre-bid conference sa May 13, 2024 sa South Harbor, Port Area, Manila. Ginpaeapad it PPA ro mga pasilidad ag imprastraktura it pier sa pilang lugar sa nasyun para ma-maximize ro reputasyon it nasyun bilang naga pangunang tourist destination. // ANN DESLENE SALAZAR