NAGPATUMAN og no movement Sunday niadtong dominggo ang Polomolok, South Cotabato aron mapugngan ang pagtaas sa kaso sa COVID-19.
Kini human naapil ang Polomolok, South cotabato sa OCTA Research nga may taas nga average daily attack rate sa tibuok Pilipinas.
Gisugdan Hunyo 13 ang no movement Sunday, kung asa mga essential workers lamang ang mahimong makagawas sa ilang balay arun magtrabaho.
Lima (5) ka barangay sa Polomolok ang hugot na gina-monitor tungod sa taas na kaso sa Covid-19 sa ilang barangay, kini ang Barangay Sulit, Barangay Poblacion, Barangay Magsaysay, Barangay Cannery ug Barangay Silway 8.
Sa maong mga barangay ginapatuman ang purok checkpoint kung asa ginabawalang makasulod sa ilang purok ang dili residente.
Nagpadayun usab sa paghatag og mga pahimangno ang LGU Polomolok enforcers sa mga muadto sa public places susama sa palengke na sundon ang health protocols sama sa pagsuot sa facemask, face shields ug social distancing.
Gani ang ilang palengke giptuman na ang one way entrance ug one way exit.
As of June 14, 2021, anaa sa 236 ang Covid-19 active cases sa Polomolok, 25 usab ang namatay ug 995 ang recoveries. ( Richel Gubalani)
