LEGAZPI CITY – Maabot sa poko mas omenos P10M na kantidad nin pondo an itinagama kan Department of Education (DEPED) Bicol na gagamiton para sa mga gagastuson asin pangangaipuhan kan mga delegadong ipapadara sa Palarong Pambansa na ikokondusir sa Cebu City sa maabot na Hulyo 9-16.
Segun kay DEPED Bicol Regional Director Gilbert Sadsad, kaibahan sa mga kakaipuhanon iyo an uniporme, transportasyon, pagkaon, incentives asin iba pa.
Dugang pa kaini, nagtao man an mga lokal na gobyerno sa rehiyon nin allowance kan saindang mga pambato asin dae naman ini pigdidirekta sa ahensya.
Sa ngunyan, magsisirbing billeting areas an Don Sergio Osmena Memorial High School asin Labangon BLISS Elementary School na magigin turugan kan nagkapirang delegado.
