Makikipag-ugnayan ang Philippine National Police (PNP) sa iba pang law enforcement agencies upang madakip si Dalia, asawa ng pinatay na race car driver na si Enzo Pastor at itinuturong mastermind sa krimen.
Ito ang sinabi ni PNP Public Information Office Chief Col. Jean Fajardo kasunod ng muling pagbuhay ng Korte Suprema sa kasong parricide laban kay Dalia.
Isasailalim din sa masusing review ang kaso at mga ebidensiya na may kaugnayan sa pagpatay kay Pastor na naganap noong 2014 matapos siyang tambangan sa loob ng kanyang sasakyan sa Quezon City.
Isang pulis, si dating PO2 Edgar Angel ang nasangkot sa krimen .
Sinabi ni Col. Fajardo ,na-dismiss na ito sa serbisyo noon pang 2015.
