Umangat sa 29,080 ang bilang ng mga nairehistrong COVID-19 cases mula sa hanay ng Pilipine National Police matapos itong madagdagan ng 58 infections.
Inanunsyo rin ng PNP na pumalo na sa 27,594 ang bilang ng recoveries nito matapos mairehistro ang 135 karagdagang pasyente na gumaling mula sa sakit.
Sa kasalukuyan ay meron pang 1,409 na tauhan ng PNP ang patuloy na sumasailalim sa gamutan.
Kaugnay nito ay nanatili naman nasa 77 ang death toll ng PNP.
Samantala, pumalo na sa mahigit 1.48-million ang bilang ng COVID-19 cases na naitala sa buong bansa kabilang na ang mahigit 1.41-million na gumaling at ang 26,232 na nasawi.
