Nagbabala si PNP Chief Gen. Guillermo Eleazar sa kapulisan lalo na sa mga pulis na motorcycle riders na huwag tularan ang tinawag nitong mga iresponsable at payasong riders.
Ito ay kasunod ng nagviral na video kung saan makikita ang dalawang indibidwal na gumagawa ng motorcycle stunt sa isang highway na umanoy nangyari sa Zambales.
Ayon sa PNP Chief, kailanman ay hindi kasama ang mga pampublikong kalsada sa ganitong gawain dahil maaari itong magdulot ng aksidente at ikapahamak ng ibang motorista.
Kaugnay nito, nilinaw ng Zambales PNP at Highway Patrol Team sa lalawigan na hindi nila tauhan ang dalawang nasa video.
Sa kabila nito, iniimbestigahan na rin ang pangyayari, inaalam kung sino ang dalawa, kung law enforcers ba ang mga ito at kung saan eksakto ang lugar.//Jen Bayot-BNFM OLONGAPO
