Inatasan na ni PNP Chief Gen. Rommel Francisco Marbil ang Criminal Investigation and Detection Group at Intelligence Group para magsagawa ng imbestigasyon para kumpirmahin ang impormasyon na konektado umano si Bamban, Tarlac Mayor Alice Guo sa Chinese Communist Party.
Pagtitiyak ni Marbil, lahat ng impormasyon na kanilang natatanggap ay pinagsasama-sama upang masiguro na tama ang kanilang imbestigasyon.
Matatandaang isinasangkot si Guo sa operasyon ng Philippine offshore gaming operator hub sa Bamban na sinalakay ng mga operatiba dahil sa iba’t ibang illegal activities.
Nabatid na base sa mga kumalat na post sa social media, ang pamilyag Guo ay isang malaking pamilya mula Fujian na kilalang lugar ng mga komunista.
