-Daina Gerona
KABANKALAN CITY, Negros Occidental — Nagataragak-tak ang luha sang isa ka iloy nga anay Overseas Filipino Worker (OFW) sang ma-abtan nga nangin abo na ang isa sang iya mga napundar nga puluy-an ginabulubanta las 7:00 sang aga sa Zone 2, Sito Makawiwili, Brgy. Caradio-an, syudad sang Himamaylan, Mayo 16.
Ginkilala ang tag-iya sang amo nga puluy-an sa kay Leizel Ambon, 49-anyos ang edad, may bana, may isa ka bata kag naga bantay sa isa ka bugasan sa Brgy. Su-ay sa amo man nga syudad.
Suno sa panalaysayon ni Leizel sa interbyu sang Brigada News Team, nga ginbilin sang iya nga bana nga naka-charge ang ila sini nga cellphone kag nagdul-ong sang ila nga bata sa eskwelahan, apang nakibot na lamang ini sang pagbalik sa ila nga puluy-an nga ginatupok na sang kalayo.
Dugang pa niya, wala gid sang may nabilin sa iya sini nga ginpundar sa sulod sang tatlo ka tuig bilang OFW, lakip na ang mga importante nga dokumento,bag-o nga mga appliances kag isa ka hinigtan nga manok.
Ultimo pasaporte na lamang ni Leizel ang nabilin nga wala masunog.
Base naman sa inisyal nga imbestigasyon sang Bureau of Fire Himamaylan himo sa light materials ang amo nga puluy-an kag wala mahibaluan ang kabangdanan sang amo nga insidente.*