Naiulat ng Pilipinas ang 4,131 na bagong COVID-19 cases mula March 7-13, na 35% na mas mababa kumpara kaysa sa mga napaulat na kaso noong nakaraang linggo.
Ayon sa DOH, nasa 590 ang daily average para sa naturang linggo.
Ipinapakita rin ng datos na nasa 1,006 ang severe at critical cases na kasalukuyang naka-admit.
Mula naman sa 3,598 na ICU beds, 19.6% ang okupado habang nasa 17.2% naman ng non-ICU COVID-19 beds ang patuloy na ginagamit.
Mula sa mga bagong kaso ngayong linggo ay nasa tatlo lamang ang severe o critical cases.
Samantala, nasa mahigit 64.5 million na indibidwal o 71.71% ng target population ng gobyerno ang fully vaccinated na kontra COVID-19.
