Nakipagpueong ro pilang opisyal it LGU Kalibo kay Dr. Jocelyn Garcia it Municipal Health Office (MHO-Kalibo) para istoryahan ro anti-dengue drive kaeakip eon ro reactivation sa Dengue Task Force, barangay clean-up, IEC campaigns, ag ro kampanya nga igapatigayun ro 4S sa Dengue Prevention and Control (Search and Destroy breeding sites; Secure self-protection; Seek early consultation; Support indoor and outdoor spraying to prevent impending outbreak).
Kaeakip sa mga natalakay hay ro pagpabaskog sa COVID19 vaccination drive ag iba pang paagi agud matapna ro nasambit nga virus.
Base man sa MHO Kalibo, naging madinaeag-on ro resulta it vaccination ag booster roll out nga ginpatigayun sa Brgy. Pook ag Old Buswang ku nagtaliwan nga Biyernes.
Gintalakay man ro Blood-letting/Donation Drive nga igapatigayun sa Pastrana Park sa September 6, 2022.
Samtang, nakataeana man nga i-anunsyo ro Health Program para sa Senior Citizens. / ANN DESLENE SALAZAR
