May pilang napan uhan nga mga kakueangan si Police Lt. Col. Belshazzar Villanoche, Chief of Operation it Aklan PPO sa ginpatigayun nga Simulation Exercise (SiMex) it PNP, SOCO, ag BPF kainang agahun sa Pastrana Park, Kalibo, Aklan.
Sa interview kana it BRIGADA NEWS FM KALIBO, ginpahayag ni Villanoche nga pila sa anang nakita hay kakueangan sa komunikasyon ag dapat may inventory sa mga pagagamiton nga equipment sa nasambit nga exercises.
Kaeakip ro team ni Villanoche sa nag oversee o nag assess ag nag evaluate sa ginpatigayun nga Simulation Exercises.
Ro ginpatigayun nga SiMex hay bilang pagpahaum sa selebrasyon it anibersaryo it Martial Law sa September 21.
Tinutuyo it SiMex nga makita ro mga otoridad sa kung paano magresponde ag mag react ro mga raya sa mga posibleng senaryo nga matabo. // ANN DESLENE SALAZAR
