Ginakonsidera ni Iloilo Governor Arthur Defensor Jr., ro planong ubrahon nga extension hospital ro mga estabilsyemento nga maeapit sa mga ospital.
Raya hay matapos nga ro mga gintaeana nga eugban para sa mga pasyente nga may covid sa 12 district hospitals ag Iloilo Provincial Hospital hay nag abot eon sa ‘critical level’.
Suno sa gobernador, ro gobyerno probinsyal hay presenteng nagapatigayun it sangka survey sa tanan nga maeapit nga mga establisyemento ag institusyon nga pwedeng i-convert.
Ro mga magiging extension hospital ngara hay para sa mga pasyenteng asymptomatic patient o may mild nga sintomas.
Ro mga doktor ag tawuhan halin sa mga district hospital ag Rural Health Units (RHUs) hay pagataw-an man it obligasyon nga pamunuan ro mga nasambit nga pasyente.
Naka standby man ro mga ambulansiya para isaylo ro mga pasyente sa mga ospital kung kinahangeanon. / ANN DESLENE SALAZAR
