Positibo gihapon sa Paralytic Shellfish Poison (PSP) o toxic red tide ro Sapian Bay sa Ivisan ag Sapian sa Capiz; Mambuquiao ag Camanci, Batan sa Aklan, base sa Shellfish Bulletin No. 29, Series of 2023 as of December 18, 2023.
Kamana man sa mga baybayon it Pontevedra ag Roxas City sa Capiz; hay positibo man sa red tide base sa nakolektang shellfish sa nasambit nga mga lugar.
Tanan nga klase it shellfish ag acetes partikular eon ro alamang nga nabuoe halin sa mga nasambit nga area hay bukon it salbar nga kaunon it tawo.
Mga isda, pusit, pasayan ag alimango hay salbar nga kaunon basta eab-as, nahugasan it mayad ag nalimpyuhan it mayad ro laman-loob bago eahaon. // ANN DESLENE SALAZAR
