LEGAZPI CITY – Wara pa ki nahihiling na rason o indikasyon an Philippine Institute of Volcanology and Seismology (PHIVOLCS) na ibaba na sa Alert Level 0 an Bulkang Mayon.
Sa intrevista kan Brigada News FM Legazpi kay PHIVOLCS Resident Volcanologist Dr. Paul Alanis, sinabi niya na bako pa man kaya normal an estado kan bulkan dawa na nasa alert level 1 ini sa ngunyan.
Apwera kaini, pag nahiling asin naobserbahan na ninda na talagang harababa na an volcanic earthquakes, volcanic gas, ground deformation, lava flows, rockfall events asin iba pa, ini na an oras na ibaba na sa alert level 0 ang bulkan.
Segun kay Alanis, sa ngunyan kaya, dai pa totalmenteng nawawara an nagkapirang parametros asin nagtetenir na delikado an bulkan kun sain igwa man giraray ki mga posibilidad nin phreatic eruptions.
Padagos man an abiso ni Alanis na dai ninda pigrerekomendar an paglaog sa 6 kilometers permanent danger zone pati man an pagkondusir ki human activities sa laog kani.
